លើកទី១ លីម តិចម៉េង ចាប់ដៃគូជាមួយ រ៉េត ស៊ូហ្សាណា ដាក់មួយបទឆ្លើយឆ្លងគ្នាពីរោះ មុនបុណ្យអុំទូក..(មានវីដេអូ)
លីម តិចម៉េង ចាប់ផ្តើមមានការគាំទ្រពីសំណាក់ពុកម៉ែបងប្អូន ក៏ដូចជាទស្សនិកជនតាំងពីប្រឡងចម្រៀងមកម្ល៉េះរហូតមកដល់ពេលនេះ
តារាចម្រៀងរូបនេះ កាន់តែមានសន្ទុះប្រជាប្រិយភាពយ៉ាងខ្លាំង គួរឲ្យកត់សម្គាល់ខ្លាំងណាស់ ដោយម្ចាស់ពានរូបនេះ ទទួលបានការងារថតចម្រៀង និងការប្រកុំតន្រ្តីនានាតាមបណ្តាខេត្ត-ក្រុង ជាហូរហែមកផងដែរ ។
តួយ៉ាង ថ្មីៗកន្លងមកនេះ ខាងផលិតកម្មរស្មីហង្សមាស បានបញ្ចេញបទចម្រៀងទោលរបស់ម្ចាស់ពានរូបនេះចំនួន ២ បទរួចមកហើយដែរ
ដែលបទចម្រៀងទី ១ មានចំណងជើងថា «អរគុណ Fan» ហើយបទចម្រៀងទី ២ មានចំណងជើងថា «អស់ស្មោះត្រឹមកំលោះកំពង់ចាម» បទចម្រៀងទោលទាំង ២ របស់ម្ចាស់ពានរូបនេះ សុទ្ធសឹងតែទទួលបានការគាំទ្រយ៉ាងខ្លាំងពីសំណាក់ទស្សនិកជន ។
ដោយឡែក កាលពីថ្ងៃទី០១ ខែវិច្ឆិកា ឆ្នាំ ២០២២ កន្លងទៅនេះ កំលោះតូច លីម តិចម៉េង ក៏បានបញ្ចេញបទចម្រៀងបកស្រាយរួមគ្នាជាមួយម្ចាស់ពាន ៣ នាក់ផ្សេងទៀត
ក្រោមចំណងជើងថា «កឋិនធីលម៉ូង» ហើយមួយបទនេះ ស្ដាប់ទៅម្ចាស់ពានទាំង ៤ រូប សំឡេងពិតជាស៊ីគ្នាណាស់ ពីរោះរណ្តំ អមដោយទេសភាពស្រុកស្រែស្រស់ស្អាតត្រជាក់ភ្នែកដល់ហើយ ។
មិនទាន់អស់ នៅថ្ងៃទី០៤ ខែវិច្ឆិកា ឆ្នាំ ២០២២ នាម្សិលមិញនេះ នៅលើគេហទំព័រហ្វេសប៊ុកផេករបស់ រស្មីហង្សមាស
បានបញ្ចេញ Trailerចម្រៀង MV របស់ លីម តិចម៉េង និង កញ្ញា រ៉េត ស៊ូហ្សាណា មានចំណងជើងថា «ស្ម័គ្រធ្វើសង្សារបីថ្ងៃ» ។
ក្នុងនោះ គេហទំព័រខាងលើនេះ ក៏បានភ្ជាប់សារយ៉ាងខ្លីថា៖ “បញ្ចេញបន្តិចឲ្យរៀនរាំតាមអាយដលចេះក្បាច់រាំត្រដាងស្លាបដូចអាយដលទេ? ដាក់ទៅ!! កាយគាស់ៗៗ” ។
ប្រភព៖– Kamsantoday